Stóra stelpa...

Síðasta vikan er búin að vera gífurlega viðburðarík hjá mér...

Á miðvikudaginn svaf ég í fyrsta skipið í nýja herberginu mínu, í mínu eigin rúmi... Ég svaf alla nóttina sleitulaust og vaknaði svo rétt fyrir klukkan 8 morguninn eftir, kveikti náttljósið og fór að lesa bók eins og ég hefði aldrei gert annað á ævinni :)

Svo mætti ég á leikskólann á fimmtudaginn og þá var mér sagt að ég væri að fara á fiskadeild í næstu viku :) það verður sárt að kveðja fiðrildadeildina... en ég er orðin svo stór stelpa að það verður ekkert mál :)